KRALENDIJK – Djasabra, 2 di mart, durante oranan di anochi, un persekushon di algun outo ku tabata koriendo hopi duru i iresponsabel a tuma luga na Boneiru, finalisando na den un dalmentu riba Kaya Korona i finalmente detenshon di na tur tres okupante di un di e vehíkulonan. 

Un patruya di Kuerpo di Polis di Hulanda Karibense (KPCN) a perseguí inisialmente tres outo ku tabata manehando na spit hopi haltu i tabata desplegá un kompartomentu hopi imprudente, manera pasa otro outo di forma deskabayá i tambe ignorá instrukshon di polis pa para nan outo. 

Apesar di intentonan di polis, e sospechonan kontinuá ku korementu duru i iresponsabel, ku a resultá den dalmentu kontra di vário otro outo riba kaminda. 

Despues ku e outo di e sospechonan principal a keda pegá riba Kaya Korono, e sospechonan a kore for di e outo na pia. Aki polisnan a bolbe duna nan e órden di para, loke a wòrdu ignora. E agentenan polisial na e momento ei a disidí di lòs tiru di advertensia, riba kual tampoko e sospechonan a stòp ku nan huida. E agentenan sin embargo a persiguí e personanan i a logra kue nan. 

Dos sospecho di 19 aña di edat a wòrdu arestá pa diferente ofensa, inkluyendo intento di asesinato i krímennan kontra outoridat públiko. E otro okupantenan a wòrdu arestá pa falta di presentashon di identifikashon bálido.