Kòrsou ku medida mas severo kontra di Covid

Willemstad- Gobièrno di Kòrsou ta implementá algun medida mas estrikto, den un esfuerso pa frena e plamamentu di Covid-19.

Den último dianan por a nota un subida di kasonan aktivo na Kòrsou, ounke no di un forma asina drástiko manera ta e kaso na Boneiru.

Entre otro e orario di ‘Toke de Keda’ ta bira di 9’or di anochi pa 4:30’or di mainta. Tambe e kantidat di persona ku por bini huntu durante aktividatnan públiko ta keda adaptá na un máksimo di 25 persona entrante mañan, djaluna 15 di mart 2021.

Te 8 or di anochi

Banda di esei a pone orario mas limitá pa restorantnan riba e isla. Establisimentonan por keda ofresé servisio te ku 8 or di anochi. Na trùknan di pan no ta permití pa hende para warda nan pedido. Nan tin ku warda esaki den nan auto.

Segun epidimiologo dr. Izzy Gerstenbluth i PM Ruggenaath e situasion ta ‘serio’.

---

• 
  Kiwanis Club of Kralendijk Bonaire tin un direktiva nobo i ta selebra di 5 aniversario 
• 
  Bonaire Tourism Summit 2023 a start na Courtyard Hotel
• 
  Paga tinu riba uso di awa | Aviso
• 
  JetAir Caribbean Ta Cuminsá Buelanan pa Boneiru dia 1 di November
• 
  Servisionan di investigashon di krímen ta interseptá boto ku paranan eksótiko i arma