WILLEMSTAD – Despues di Hulanda i Cuba a toka turno na e tim di beisbòl di Merka pa sede pa Kòrsou. E selekshon a gana ayera durante Haarlemse Honkbalweek ku 2-3 di e tim di Merka.
Den di tres inning Merka a kai atras ku skor di 0-3 i den di seis inning a logra hinka dos kareda lokual a pèrkurá pa algu di tenshon.
Ku e di tres viktoria di e 5 partidonan Korsou a posishoná su mes pa semifinal. E tim ta remplasá e Taipei Chines riba e kampionato. Pa motibu di un prohibishon pa ekiponan deportivo pa sali for di e pais a konsekuensia di covid nan a hala bèk di partisipashon na e di trinta edishon di Haarlemse Honkbalweek.
Awe Kòrsou ta enfrentá atrobe e tim di Merka. E partido ta kuminsá mitar di djes ora di Kòrsou i por sigui e partido bibu via Honkbalsoftbal.tv. Djabièrnè ta hunga finale.
Di e seis paisnan ku ta partisipá Cuba i Italia ta hunga pa di sinku i di seis lugá. Banda di e tim di Merka i di Kòrsou, Hulanda ta hunga e otro semifinal kontra Hapon. Esei ta awe merdia mitar di dos ora di Kòrsou.
WEB ta lansa enkuesta tokante su servicio
Ofisina di grefi di Konseho Insular temporalmente na otro kaminda
Santa Fun Walk, un aktividat familiar pa fin di aña
Konseho pa Mantenshon di Lei: Sint Maarten mester drecha lei riba e Fondo di kombatí Kriminalidat
