Willemstad- For di djarason awor, Kòrsou ta bai bèk den un ‘Lockdown’ pa purba kontené un brote nobo ku e Coronavirus.

E medidanan tin komo meta pa laga mas tantu hende keda na kas. Ounke no ta adaptá e toke di keda, ta bai reintrodusí e asina yamá ‘plachi di dia’. Djaluna ku djaweps outonan ku number A, D, F, G, H, K, BF, Z, WA por sali. Djamars ku djabièrne outo ku B, J, L, N, R, U, MF por subi kaya. Djarason ku djasabra esaki ta e kaso pa outonan kunumber ku S, T, V, X i Y.

Por pidi eksepshon, si ta nesesario, via di e wèpsaid kalamadit.cw.

Tin un eksepshon tambe pa hiba i buska mucha na skol. Esaki ta permití entre 4.30 di madrugá i 8.00 or di mainta. Despues tambe entre 12.00 di mèrdia i 2 or di atardi.

Tur gym tin ku sera bèk.Por hasi deporte si, pero individual. Deporte den tim òf den grupo no ta permití mas. Hende por sali bai hasi deporta solamente ora nan plachi di number por sali. No por hasi bishita na bich.

Turista

Tur medida ta konta pa turista tambe. Aeropuerto ta keda habrí i por sigui biaha, pero ora e turista ta na Kòrsou i e tin outo di hür ta kore kun’e, e por sali solamente ku esaki, si su plachi di number por sali. Tambe tur turista mester mantené nan mes na e toke di keda.

---

Lesa tambe:

• 
  Palu di lus a parti den dos; A sera parti di Kaya Papa Cornes
• 
  Servisionan i organisashonnan pa kuido di hende grandi a uni forsa pa huntu oumentá kalidat di bida di hende grandi
• 
  Minister Harbers ta hiba bishita di trabou na Aeropuerto Flamingo 
• 
  18 miyon èkstra pa ehekushon korekto di tarea na Boneiru, Saba, i Sint Eustatius
• 
  Registrá pa risibí bo faktura digital i bo konfirmashon di pago via meil