WILLEMSTAD – Kòrsou ta destinashon number 1 den e área di Karibe pa pasaheronan di e kompania krusero Aida. Pasaheronan di Aida a duna di konosé den un enkuesta ku nan ta apresiá espesialmente e sentro di siudat.

Ora e barkunan krusero keda den haf te lat den anochi, e lusnan kolorido di Punda i Otrabanda ta duna un bista hopi bunita, segun e pasaheronan ta bisa den e enkuesta.

AIDA-Cruises ta un kompania krusero Aleman ku ta establesé na Rostock, Alemania. AIDA-Cruises ta un di e djesun markanan di Carnival. E barkunan di AIDA ta disponé di servisio- i fasilidatnan ku ta dirigí spesial riba pasaheronan mas hóben i mas aktivo.