Kralendijk- Diputado James Kroon te awor aki no a kumpli ku e promesa hasí ku mensualmente lo duna un aktualisashon di proyektonan di infrastruktura i partikularmente estado di nos kamindanan.

Dia 16 di aprel Kroon, den kompania di e direktor di R&O, Roy Martina, a tene un konferensia di prensa, kaminda ku a papia entre otro tokante problemanan ku e rotònde na Kaya Amsterdam.

Den e mesun konferensia di prensa, Kroon a primintí ku lo bai duna un konferensia di prensa ’tur luna’ pa kompartí informashon di proyektonan andando.

2 luna

Awor ku 2 luna ta serka di pasa, despues di e promé konferensia di prensa, mester konstatá ku Kroon no a kumpli ku su promesa. Ainda tin poko informashon tokante kiko ta pasando riba nos kareteranan, e rotònde i otro asuntunan di infrastruktura riba nos isla. Mientrastantu por nota ku kos riba nos kamindanan públiko a bira pió i no mió.