Notisia

Krusada bulevar Don Martina i Dokweg ta haña lusnan di tráfiko LED

WILLEMSTAD – E siman aki ta toka turno na e lusnan di tráfiko na e krusada Bulevar Don Martina i Dokweg pa haña iluminashon LED.

Ta kuminsá awe mainta ku e trabounan ku lo dura henter un siman. E tráfiko mester tene kuenta ku molester pasobra e lusnan no ta trahando.

DCG ku tin e enkargo di gobièrnu pa hasi e trabounan  ta traha mainta di 8.30 te 11.30 i mèrdia di 13.30 te 16.00.

Na momento ku e lusnan di tráfiko no ta funshonando, reglanan di duna preferensia ta konta, manera ta indiká ku bòrchinan. Ta pidi outomobilistanan pa kore ku kuidou pa evitá desgrasia.

Deel dit artikel
Rocargo
Rocargo
Rocargo
Rocargo