Kralendijk- E situashon laboral na Selibon ta keda kompleho, awor ku gerensia di e empresa ta insistí pa bini un referèndum na e kompania, na lugá di rekonosé Fedebon komo sindikato nobo ku ta representá mayoria di e empleadonan na e kompania.
E desishon pa organisá referèndem ta bini despue ku mayoria empleado di Selibon a entregá nan retiru na ABVO i nan karta di afiliashon na Fedebon. Normalmente, for di ora ku un sindikato mustra ku e ta representá mayoria por pidi gerensia di e kompania pa rekonosé nan komo e sindikato representativo.
Ta un derecho di gerensia sinembargo, pa pidi un referèndum ofisial via di mediadó di Gobièrnu i asina establesé di forma ofisial/formal kua sindikato ta representá e empleadonan, voral den kaso ku tin mas ku 1 sindikato ku ke representá e empleadonan di e kompania.
Malkontentu
Segun por a skucha últimamente na mas ku un okashon, empleadonan di Selibon a mustra nan malkontentu pa ku representashon di ABVO ku segun hopi emploado ‘no ta hasi nada’.
Último festival di bario pa e aña aki lo tuma lugá na Rincon
Gobièrnu di Boneiru ku medidanan kontra di hürmentu di kas pa temporada kòrtiku
E aña aki tampoko lo no tin kampamentu kant’i laman
Direktiva nobo di dos kabes na MBO Bonaire
