DEN HAAG – Eskritor i poeta Boeli van Leeuwen a nase 10 di òktober 1922 na Kòrsou i lo a kumpli 100 aña e aña aki.

Na honor di su fecha natal Dutch Caribbean Book Club huntu ku Archivo Nashonal na Den Haag ta organisá un mèrdia tokante su obra. 

E mèrdia aki senõr Aart G. Broek, eksperto den literatura, spesialisá den e region Karibense i Bertram Mourits, hefe di kolekshon di e Museo Literario na Den Haag, kende ta manehá e herensia literario di Boeli van Leeuwen, lo tin un lektura na nan enkargo.

Den e Archivo Nashonal por haña hopi dokumento di Kòrsou, mui en partikular for di e tempu di West Indische Compagnie(WIC) i e periodo ku e isla ainda tabata un kolonia di Ulanda.

E eksposishon Kòrsou-Curacao ta dunabo a base di e dokumentunan i archivo un bista di e historia i e presente di e isla den kombinashon ku potrèt, fragmentonan di oudio i entrevistanan di e fotógrafo Selwyn de Wind. Tambe diferente artista a traha obranan ku parsialmente ta korespondé ku informashonnan for di e dokumentonan.

E mèrdia tokante Boeli van Leeuwen ta kuminsá mañan 8 di òktober pa 12.30 den  Archivo Nashonal di Den Haag i ta dura te 17.00.