Ku trayekto BBL: MBO por yuda empleado di empresa krese

Kralendijk- MBO Bonaire por yuda empleado di organisashonnan na Boneiru sigui krese. Esaki MBO Boneiru ta laga sa den un komunikado pa prensa.

Den kuadro di esaki, MBO ta mustra riba e variante di estudio ku nòmber BBL, ku ta para pa Beroeps Begeleidende Leerweg. Den e trayekto ei, studiantenan ta kombiná un trabou ku skol. Un (1) dia òf 2 anochi pa siman nan ta bai MBO Bonaire pa siña teoria di e fishi/profeshon. Despues di finalisá e estudio nan ta risibí un diploma MBO ofisialmente rekonosé.

E aña eskolar benidero nos ta ofresé 10 diferente trayekto BBL, ku ta varia di un estudio di rekurso humano, pa trayektonan atministrativo i asta den seguridat.