KRALENDIJK- Djamars mainta, 4 grupo a sali for di Boneiru pa bai Paraguay. Nan ta bai pa kompetí den e diferente wega, manera Ahedres, Natashon, Yudo, Atletismo. Kada grupo di esnan ku a bai, tin un representante di INDEBON i un coach huntu ku nan.
E weganan mester tabata na Brasil, pero tur kos a kambia, debí na asuntunan polítiko. Esei a pone ku a organisá e aktividat awor na Paraguay.
Timotheo Silberie di edukashon i bienestar di komunidat i kuido, tabata presente mainta na èrpórt. El a duna palabra di estímulo na e gruponan i a hasi orashon ku nan e mainta na èrpórt.