Kuater hóben di St. Eustatius ta sigui studia na Boneiru

Oranjestad/Kralendijk- Un total di 4 hoben di nos isla hermana St. Eusatatius awe a despedí di nan sernan kerí pa subi avion i biaha bin Boneiru.

E kuater hóben en kestion ta bai sigui na estudio na Boneiru. Den último añanan hopi studiante di St. Eustatius ku a kaba nan estudio di MBO-1 na e isla ei, a opta pa sigui studia na SGB. Mas i mas por ripará ku MBO na Boneiru ta kohiendo mas fama den region. Tin asta sierto studiante di Kòrsou ku ta interesá pa sigui nan estudio di MBO na Boneiru.

Na SGB studiantenan por skohe di diferente estudio nivel 3 i 4.