Notisia

Kuater turista ta tèst positivo pa Covid

Kralendijk- Djasabra un total di 4 turista a tèst positivo pa Covid. Esaki por dedusí for di un komunikashon di parti di Gobièrnu ku ta menshoná un total di 5 kaso positivo nobo, di kual solamente 1 ta residente.

Aktualmente tur turista for di Hulanda mester pasa tèst riba e di 5 dia ku nan a yega Boneiru, pasombra tabata konsiderá Hulanda komo pais di riesgo hopi haltu.

Entranta di 5 di ougùstùs no ta konsiderá Hulanda komo pais di riesgo hopi haltu mas. Ku esaki ta yega un fin na tèstmentu riba e di 5 dia despues di yegada.

Mirando e kantidat di turista ku a tèst positivo riba djasabra, outoridatnan lo mester puntra nan mes si esaki ta algu bon òf kisas algo no dje bon ei. Kada turista infektá ku ta yega Boneiru por infektá hende na e isla, loke lo por kondusí na un brote di e virus bou di residente na Boneiru.

Deel dit artikel
Rocargo
Rocargo
Rocargo
Rocargo