Notisia

Kuater Venezolano ta hui for di sentro di detenshon nobo pa strañero 

WILLEMSTAD – Kuater Venezolano a hui antayeranochi for di detenshon di strañero na prizòn SDKK den kareda di 1’or.

E personal di seguridat ku tabata na warda, a tende un zonido duru, manera un eksploshon i a kore bai e sitio, kaminda nan a mira  kuater Venezolano kore  riba e último trapi direkshon di departamentu di hende muhé.

For di investigashon a bin sali na kla ku e slòt kompleto riba nan sèl tabata lòs, ku nan por a hui via di e roster. Segun e bosero di prizòn e Venezolanonan mester a aktua masha lihé. E seraduranan di e sèlnan den e kompleho di detenshon di strañero a bini spesial for di Hulanda.

Tantu personal di SDKK komo polis ta en buska di e Venezolanonan aki ku tabata detené pasobra nan no tin pèrmit di estadia bálido. Unu ta detené for di ougùstùs, e otronan for di sèptèmber i novèmber.

Deel dit artikel
Rocargo
Rocargo
Rocargo
Rocargo