ORANJESTAD – Kuerpo Polisial di Aruba (KPA) ta hopi orguyoso ku e echo ku e publikashon The Daily Telegraph di Gran Bretaña a pone Aruba riba puesto number unu, ora ta bin na seguridat di destinashonan turístiko den Karibe.

“E seguridat di nos komunidat, nos hendenan i mas cu 1 mion turista pa aña ta nos “Core Business”. Kuerpo Polisial Aruba ta hasi lo máksimo dia den i dia afó pa e seguridat di Pais Aruba pero tambe pa tur hende por sintinan mes sigur riba nos dushi pais”, asina KPA a bisa den un rekashon riba a notisia.

Esfuerso

Alto Komisario di KPA, Ramon Arnhem, a bisa tambe di ta gradisí tur polis na Aruba pa nan esfuerso. “Mi koleganan ta traha hopi duro! Esaki ta e bunita resultado di nan trabou!”