KRALENDIJK- Kuerpo Polisial di Karibe Hulandes (KPCN) awor aki tin su propio unidat di krímen via di internèt i krímen digital. 

Den lunanan tras di luna a traha duru riba lantamente di e unidat nobo aki. Entre otro a risibí sostén for di ekspertonan nan Hulanda. Mientrastante a firma tambe akuerdonan di koperashon ku otro instansianan International, ku ta traha huntu pa kombatí e tipo di krimen aki. 

“Ta importante pa realisá ku ora un hende purba hòrta otro hende, ku e persona aki no mester ta ni na Boneiru, pero por ta hopi leu”, asina hefe di Kuerpo Polisial, Jose Rosales a splika. Rosales a mustra riba e echo ku hinter mundo tin ku bai mee ku e desaroyonan riba tereno digital i internèt i esaki pa kuerpo polisial no ta diferente.

Empleado

Dentro di poko, e unidat nobo lo tin 3 persona ful taim ta trahando den e departamento nobo. Sin embargo, e esfuersonan ta bai mas leu ku esei. “Tur hende den kuerpo ta forma parti di e kombatimentu di krimen, tambe riba e tereno aki. Pero ta bon pa KPCN tin su propio ekspertisio den kas, ku por duna sostén na otro departamentunan”, asina Rosales, i tambe hefee suplente, Alwin Braaf, a splika.