Kuestionario Plan Preparatorio di Desaroyo Espasial (ROB)

Kralendijk – Kiko bo ta pensa di bo kas y bo bario di residensia? Unda abo ta traha i unda bo ta rekreá? Kua lugánan tin balor pa bo i kiko abo ta haña importante pa e desaroyo espasial di Boneiru? Esaki ta un par di pregunta ku departamento R&O di Entidat Públiko Boneiru ta hasi pa ku e Plan Preparatorio di Desaroyo Espasial (ROB) nobo.

Eilandsraad a establesé e Plan Preparatorio di Desaroyo Espasial (ROB) kasi 11 aña pasá. E plan ta regulá desaroyo espesial di Boneiru, por ehèmpel unda por traha kas, negoshi òf hotèl. ROB tin enfoke riba preservashon di naturalesa tambe.

Por konsultá e Plan Preparatorio di Desaroyo Espasial riba www.bonaire-ro.nl.

Pa e aktualisashon di e ROB a traha un kuestionario. Siudadanonan por yena e enkuesta akí te fin di ougùstùs. Asina EPB tin mas informashon riba kiko e boneriano ta haña importante. Kiko e deseonan i nesesidatnan ta.

Ta usa e resultadonan di e enkuesta pa balorá e ROB aktual i pa konstruí e ROB nobo. Pa yena e kuestionario ta kosta mas o ménos 10 minüt. Bo kontribushon ta hopi importante pa nos. E enkuesta ta skibí na papiamentu, ulandes i ingles. Por yena e kuestionario akínan:  https://bonairegov.com/pa/campagnes-1/artikel/kuestionario-plan-preparatorio-di-desaroyo-espasial-rob.

Lesa tambe:

• 
  Vakatura General Manager Beveiligingsbedrijf Bonaire
• 
  Boneiru ta papia ku aerolíneanan tokante posibel ruta nobo 
• 
  Atrako na kas na Belnem
• 
  Gezaghèber Rijna ta boga pa solidaridat den e lucha kontra kambio di klima 
• 
  Demokrat a hasi otro invitashon na UPB pa sinta na mesa