WILLEMSTAD – Awe madrugá ladronnan a purba di kibra e kaha di seguridat di Kooyman na Zeelandia, segun Vigilante ta informá. E ladronnan a drenta via di dak i a eskivá diferente sensor di alarma.

Unabes ku nan tabata paden, e alarma di e ofisina kaminda e kaha di seguridat ta a aktivá, despues ku e ladronnan a dal un glas kibra. Tantu e kompania di seguridat ku Kooyman ta hasi uso di nan servisio komo polis a yega hopi lihé, pero ya e ladronnan a somentá. E kaha di seguridat tabata será ainda i manera kos ta pinta nan no a logra bai ku nada. 

Riba imagennan di kamera por mira ku ta trata di tres ladron, ku tabata eskivá e sensornan di moveshon ku hopi abilidat, pero ora ku e alarma a aktivá nan a kore bai.