Notisia

Landadónan hóben ta yega Boneiru bèk ku basta medalla

Landadónan hóben ta yega Boneiru bèk ku basta medalla

KRALENDIJK- Hóbennan di Delfins Swimming Club Bonaire a yega Boneiru kargá ku premio di landamentu ku nan a gana na Kòrsou durante e fin di siman. 

Chenice Bergman Oosterlee a gana 3 oro, Vyenne Winklaar 2 di bròns 2 zilver i Tyzick Pourier 1 di bròns. Nan coach Marylou Felida, a konta ku e kompetensia tabata fuerte i hóbennan di Boneiru a hasi tur esfuerso pa duna bon bataya. 

Aruba, Panama, Sint Maarten i Kòrsou tabata e paisnan ku a kompetí den e kompetensia ku a karga e nòmber di Siegfried Fransisco. 

Djadumingu a bai risibí e muchanan na aeropuerto Flamingo ora nan a yega riba avion di Divi Divi.  Banda di entre otro diputado James Kroon i otronan, e mayornan a bin pa buskanan yunan bèk después di e kompetensia na nos islan hermana.  

Deel dit artikel
Rocargo
Rocargo
Rocargo
Rocargo