KRALENDIJK — Grandinan na Boneiru ta haña un aktividat nobo i alegre aserka. Fundashon Plataforma Kultural ta organisá for di 17 di yüni semanalmente lèsnan di baile gratis pa personanan di 60 aña bai ariba. Bou di e palapa di Hòfi Kultural na Antriol Pabou grandinan por balia, move i gosa huntu di músika.
Instruktor di baile Frank Carolina ta ofresé e partisipantenan bailenan tradishonal Boneriano manera Mazurka, Wals i Danza. No mester tin eksperensia; tur hende ta bonbiní pa partisipá, no importá bo talento pa balia. E kos mas importante ta e pasa prèt i bini huntu.
E lèsnan ta tuma lugá kada djamars di 4.30 te 5.30 atardi. No mester registrá: interesadonan por djis pasa i partisipá.
Banda di lèsnan di baile Fundashon Plataforma Kultural ta ofresé un variedat di aktividat kultural pa grandinan riba e isla. Esun ku ke sa mas di e programa kompleto, por tira un bista riba e website: www.hofikultural.com/weekly-events-for-the-elderly.
E organishon ta spera di por yama pronto hopi hende grandi bonbiní. Bonbiní na Hòfi kultural!