Lider di MPB Elvis Tjin Asjoe ta drenta barku matremonial atrobe

KRALENDIJK- Djaweps a tuma lugá kasamentu entre líder di Movementu di Pueblo Boneriano (MPB), Elvis Tjin Asjoe i Karen Bastiaensen. 

Amtenar di registro civil, Nadya Tromp, a kasa e pareha den Pasagrahan, na unda Tjin Asjoe i Bastiaensen a bisa ‘si’ na otro. 

Tjin Asjoe ku Bastiaensen a konosé otro despues ku Bastiaensen a duna un ‘like’ riba un publikashon di un pòtret riba Facebook. Despues di esaki, nan a kuminsá chat i konosé otro, loke a kondusí na e laso matrimonial ku a mara djaweps. 

Segun Tjin Asjoe e kasamentu i selebrashon di djaweps a tuma lugá den un sírkulo hopi íntimo. Mas lat den aña lo tin un selebrashon mas grandi, ora famianan di Bastiaensen lo ta di bishiti na Boneiru.