KRALENDIJK- Linkels & Partners ayera a ehekutá otro treinen tokante trahamentu ku kliente difísil. E treinen ta forma parti di un pakete mas amplio di servisio na kliente.

Kliente por ta difísil pa vários motibu. Tin ku ta hopi rabiá pa un trato ku nan a haña, algu ku no a funshoná manera na a kere òf simplemente e hende mes ta un persona difísil.

Aunke kada kliente meresé di risibí un bon servisio, no mester lubidá e impakto ku un kliente rabiá òf frustrá por tin riba esun ku ta duna servisio. E treinen, entre otro, a enfoká riba manera pa dil ku kliente ku ta rabiá òf ku ta insultá e dunadó di servisio.

Satisfecho

E partisipantenan tabata hopi entusiasmá i e entrenadó, Judith Brekelmans, a bisa di ta hopi satisfecho ku e partisipashon i manera ku e treinen a kana. Na final a saka pòtret ku tur e partisipantenan.