Notisia

Lista di espera na CMC Kòrsou ta yegando 2.000 pashènt

WILLEMSTAD – Kasi 2000 pashènt ta wardando riba un operashon den CMC, Antilliaans Dagblad ta informá riba su promé página awe. Ta trata di 1800 pashènt di SVB ku no mester di yudansa agudo.

E volúmen di e lista di espera tin di haber ku e skarsedat di personal segun e korant. Un parti di e personal di sala di operashon a bandoná servisio i a bai Hulanda. Pa e motibu aki por a keda usa solamente kuater di e shete salanan di operashon.

Hòspital ta bisa ku nan ta hasi tur loke ta na nan alkanse pa solushoná e skarsedat di personal aki. CMC a kuminsá un kampaña di reklutashon, pero mester bringa kontra un skarsedat mundial na personal pa sala di operashon.

Deel dit artikel
Rocargo
Rocargo
Rocargo
Rocargo