Lo tin Summerschool atrobe na Boneiru 

KRALENDIJK – Fundashon Lesa & Skirbi Bonaire ta organisá e aña aki atrobe un Summerschool pa alumnonan di grupo 8. E Summerschool ta un preparashon pa e aña eskolar nobo. E lèsnan ta na Hulandes i e énfasis ta riba abilidat lingwístiko. E ta tuma lugá di 7 te ku 18 di ougùstùs 2023 na Boneiru na e lokalidat di MBO .

Durante oranan di mainta e alumnonan ta traha den klas. Riba e programa tin entre otro lesamentu, video i téknikanan di entrevista. Den oranan di mèrdia e alumnonan ta bai ekskurshon, hasi deporte i bai laman.

E Summerschool ta na enkargo di diferente dosente. E gruponan ta chikitu i tin maksimal 15 alumno. E orarionan ta di djaluna te ku djabièrnè di 8’or di mainta te 4’or di atardi i ta duna e lèsnan den e edifisio di MBO na Kaya Korona.