Notisia

Lucia Beck lo bira Hefe di Programa pa Pasado di Sklabitut den Region Karibense

Beck ta sinti su mes orguyoso di su logronan i tambe su kresementu personal den e 13 añanan na RCN. Pòtret: Lucia Bèck. 

KRALENDIJK/DEN HAAG- Kuminsando 1 di Mart 2024, Lucia Beck, hefe di Komunikashon na RCN lo start un reto nobo komo Hefe di e programa pa Pasodi di Skalbitut den parti Karibense di Reino.

Pa Beck, esaki no ta tereno deskonosí, mirando su envolvimentu den e proseso aki pa kasi dos aña. “Mi ta mira esaki komo un honor pa, na nòmber di Direktorado-Generaal di Asuntunan Interno i Relashonnan di Reino, huntu ku mi ekipo nobo i habitantenan di e seis islanan implementá e promé paso konkreto despues di e diskulpa ekspresá di 19 di Dezèmber 2022”, asina Bech a bisa.

Además, Beck lo duna sosten na e reposishon di e representashon Hulandes na Aruba, Kòrsou, i Sint Maarten.

Beck tabata hefe di e Departamentu di Komunikashon na RCN pa mas di 13 aña. For di su nombramentu na 2011, e departamentu a krese di tres pa dieséis profesional di komunikashon.

Satisfakshon

Beck ta bisa den un mensahe personal ku e ta mira bèk ku satisfakshon riba su tempu na RCN i e logronan durante e tempu ei huntu ku e tim, i un bon relashon ku prensa.

Pa awor, e puesto di Beck lo ser yená pa Cora Knopper, kende tambe tin basta tempu trahando den e departamentu di komunikashon di RCN.

Deel dit artikel
Rocargo
Rocargo
Rocargo
Rocargo