Boneiru

M21 preokupá paservisio defisiente na ofisina di pòst

KRALENDIJK – M21 pa medio di Alfred Burgos a ekspresá preokupashon ku e servisio defisiente na ofisina di Pòst na Boneiru. 

Burgos den un komunikado a mustra ku, komo fiel usuario di FXDC –POST pa hopi aña kaba eta testigu di un entrega inakseptabelmente pokopoko i inkonfiabel di karchi di pasku, karchi di hasimentu di aña i karta. Segun Burgos a bisa, abira tempu pa tuma pasonan serio pa atendé ku e problema akí. 

“Mi atvertensianan na mi famianan na Hulanda pa no manda nada mas ku pòst, lamentablemente ta parse di tin base. Asta si pòst alkansá nos isla mes, ta dura vários luna promé ku e yega kaminda e mester ta. Ta doloroso pa mira ku no opstante atenshon anterior di Union di Konsumidó di Boneiru i asta pregunta den parlamento hulandes na aña 2019 i 2020, práktikamente nada no a kambia den entrega di pòst na Boneiru”, asina Burgos a bisa. 

Inkomprendibel

Burgos a sigui bisa tambe ku mirando e kantidat di buelo for di Hulanda ku ta yega Boneiru diariamente, ta hasiele inkomprendibel ku pòst for di spesialmente Hulanda ta tuma asina tantu tempu pa yega e isla.

Deel dit artikel
Rocargo
Rocargo
Rocargo
Rocargo