Notisia

M21 ta hasi yamada riba votadónan di Nina den Heyer

KRALENDIJK- Den un komunikado ku a saka djadumingu, e partido M21 di Daisy Coffie ta bisa di ta hasi un apelashon serio riba hende ku den elekshon pasá a vota pa Nina den Heyer.

Segun Coffie ta skibi, semper e komo miembro di konseho insular a sostené e trabou di Nina den Heyer komo diputado, asta den momentunan ku su propio partido MPB no tabata para su tras tur ora. Segun Coffie ta bisa, e si semper a keda para tras di Den Heyer, partikularmente ora ta traha di e diferente asuntonan sosial.

Segun Coffie ta bisa, ta keda nesesario pa lucha duru pa esakinan i alabes para firma pa ku Hulanda. Entre otro Coffie ta menshoná e mínimo sosial, pero tambe hisamentu mas aleu di salario mínimo i fasilidat pa akohida di mucha. 

“Nos ta konvensí ku esakinan ta puntonan konkreto, ku nos por realisá den e próksimo periodo di gobernashon. Pa logra esakinan M21 mester tin un bos fuerte den konseho insular i den e gobernashon di nos isla”, asina Coffie ta trese dilanti.

Apelashon

Coffie ta bisa ku e ta hasi un apelashon pa sostené su partido. “Peesei mi ta hasi un apelashon riba hinter poblashon i partikularmente e 1000-i-piku votadónan ku a vota Nina biaha pasa, pa duna nos un sosten pa nos por sigui ku Nina su trabou i kompletá esaki”, asina Coffie a klousurá.

Deel dit artikel
Rocargo
Rocargo
Rocargo
Rocargo