Notisia

Maltrato di turistana Aruba ta den notisia den eksterior tambe 

ORANJESTAD – Maltrato di un turista Kanades na Aruba ta den notisia den eksterior tambe, spesialmente na Venezuela. Polis di Aruba ta haña tur kòmplimènt pa e aktuashon desidido despues di e maltrato. Te ku awor a hasi kuater detenshon.

E agreshon a tuma lugá 26 di dezèmber anochi. E turista tabata hasi un gira ku Voyager of the Seas, huntu ku su kasá i nan tres yunan. Tres persona a agredí i maltratá e hòmber, ku a identifiká komo Sarkis Gitani, severamente riba e lugá di stashoná outo di haf.

Mirando e gravedat di e leshonnan a hiba Gitani hospital Horacio Oduber, kaminda el a haña asistensia médiko spesialisá. E turista tabatin frakturanan serio i mester a suspendé su fakansi. A detené tres hòmber pa nan komplisidat den e maltrato.

Djis despues di aña nobo outoridatnan a tene un konferensia di prensa, kaminda nan a bisa ku nan no ta tolerá ku ta perhudiká e úniko pilá ekonómiko ku ta turismo. “Turistanan mester sinti nan mes sigur ora ku nan ta ku fakansi na Aruba”, tabata e mensahe di polis.

E hefe di kuerpo a tuma kontakto ku famia di e víktima pa pone nan na altura di e desaroyonan. El a pone kontakto tambe ku outoridatnan Kanades pa informá nan di desaroyo di e kaso.

Stemmen

Nathalie Racine, esposa di Gitani, tabata sigui e investigashon riguroso. El a bisa 24ora.com ku e ta aliviá ku detenshon di e sospechosonan, pero ta preukupá ku ainda e di kuater persona ta kana rònt liber. Ta parse ku e sospechosonan di un òf otro manera ta famia di otro.

Racine ta konta kon ku nan kara tapá ku nan t-shirt e sospechosonan a agredí  su kasá riba e lugá di stashoná outo. E ta bisa ku su kasá lo por rekonosé nan bos  fásil. Ademas el a bisa ku e próksimo 8 pa 12 luna lo ta difísil pa su kasá papia pa motibu di leshonnan ku el a risibí durante di e atake.

Proseso di rekuperashon

Pa loke ta trata su rekuperashon Sarkis ta haña remedi i e tin hopi doló. E ta splika ku a frakturá tur wesu den su kara for di su wowo bai abou.

E famia no sa sigur si e daño lo ta permanente, pero tur dia di nobo ta ekperensiá e pesadia. “Nos no sa kiko e siguiente paso ta. Nos no sa pa kuantu tempu mas e lo no por traha. Ami mester kuid’é. Nos yunan ta traumatisá pa e atakenan i tur e sanger.”

Deel dit artikel
Rocargo
Rocargo
Rocargo
Rocargo