Notisia

Mantelzorg Bonaire ta risibí premio di mérito di MCB Boneiru

Representantenan di MCB Boneiru huntu ku e boluntarionan tras di Manelzorg Bonaire
Representantenan di MCB Boneiru huntu ku e boluntarionan tras di Manelzorg Bonaire

KRALENDIJK- Manera ya a bira un tradishon, Maduro & Curiel’s Bank (Bonaire) N.V. kada aña ta entrega un premio Anual di Mérito (“MCB Annual Award”), ku ta rekonosé un organisashon ku a sobresalí i/òf a hasi un impakto positivo den nos komunidat durante e aña. 

E aňa aki nos a skohe komo ganador di e “MCB Annual Award” e organisashon Mantelzorg Bonaire.

Mantelzorg Bonaire ta un organisashon ku ta enfoká riba e pèrsona ku ta kuida un ser kerí, boluntario i ku amor. Nan ta ofresé un “luisterend oor”, sostén i informashon unda por akudí pa èkstra kuido i training. 

Tur aňa riba 10 di novèmber ta duna èkstra atenshon ku e dia di tur mantelzorgers. Riba e dia aki, ta buta mantelzorgers den lus positivo pa duna nan públikamente rekonosementu pa e trabou sumamente balioso i boluntario. Hopi biaha nos ta lubidá di puntra e mantelzorger konta kuné i kon e ta sinti, pesei Mantelzorg Bonaire tei pa ta esun ku ta yuda i sostené. 

Rekonosimentu

E aña aki ta di 3 aña ku ta duna rekonosementu i e enfoke tabata riba e mantelzorger ku ta kuida un persona ku demensia i alzheimer. Tabatin un seshon di “ban kòmbersá” ku un tema di interés i tambe a skohe pa bai na e trabou di e mantelzorger i sorpresé ku un regalo. 

Segun MCB, ku ta selebrando e aña aki su di 60 aniversario den 2022, ta un honor pa a entregá e prestigioso MCB Annual Award 2021 na Mantelzorg Bonaire.

Deel dit artikel
Rocargo
Rocargo
Rocargo
Rocargo