KRALENDIJK- Fundashon Mariadal a bolbe intensifiká e medidanan preventito konta di Covid-19, entrante djasabra. 

Segun Mariadal, e medidanan ta kuadra ku medidanan anunsiá general ku gezaghèber Edison Rijna, durante un konferensia di prensa djawebs atardi. 

Na promé lugá ta hasi un apelashon riba tur hende ku ta bin hospital, poli òf botika pa bin nan so. Tambe ta eksigí tur visitante pa bisti e mòntkap médiko, ku mester tapa ambos nanishi ku boka. 

Bishita

Tambe ta bin un limite pa ku bishitanan pa sea hospital òf kas di kuido. Kada pashènt òf kliente di kas di kuido, por risibí un solo bishitante na kada momento di bishita.