KRALENDIJK – E kompania di imobilario MAS Real Estate e siman aki a entregá un donashon di 9000 dòler na Banko di kuminda Boneiru. E plaka a wòrdu kolektá pa e doñonan di e kompania, pa medio di bende kos nan findishi durante un anochi di benefit relashoná ku nan kasamentu.

Na promé instante tabatin algu di konfushon tokante e momento ku e plaka lo a wòrdu entregá pa MAS na un otro bon kous, ku tambe lo a haña donashon for di e anochi. Pa e motibu aki, MAS a disidí pa duná e montante kompleto na banko di kuminda. Banko di kuminda a bisa ku nan por usa e plaka hopi bon.  

Gratitut

Nos kier ekspresá nos sinsero gradisimentu na MAS Real Estate, ku a hasi e donashon generoso aki posibel via un eksitoso akshon di karidat. E generosidat di MAS Real Estate ta kontribuí na un manera importante na sosten di nos mishon, pa duna yudansa di kuminda na esnan ku mas mester di dje. Nos ta súmamente agradesido pa nan kompromiso i kontribushon na e komunidat di Bonaire”, asina Voedselbank Bonaire a bisa.