Medicair i Fundashon Mariadal ta yuda transportá pashènt di Kòrsou pa Aruba

Kralendijk/Willemstad- Ayera e kompania di Air Ambulance Boneriano, Medicair, hunto ku personal di Fundashon Mariadal a yuda transporá vários pashènt delikado di Kòrsou pa Aruba.

Djasabra so e avion a transportá un total di 4 pashènt for di Kòrsou pa Aruba, pa nan haña kuido mas avansá na nos isla hermana. Aruba a posponé vários operashon ménos urgente, pa por akapará e pashèntnan for di Kòrsou.

Minister Presidènt Eugene Ruggenaath, den un mensahe via di diferente kanal a yama danki na e pueblo rubiano i tambe su kolega PM Evelyn Wever Croes.

Boneiru

Entretantu e avion di Medicair a hiba tambe un pashènt bèk di Kòrsou pa Boneiru, kaminda ela wòrdu interná di nobo na Fundashon Mariadal. Segun AworBonaire por komprondé estado di e pashènt aki ta keda basta delikado.