Notisia

Medidanan di prekoushon di Fundashon Mariadal pa motibu di tormenta tropikal

KRALENDIJK – Fundashon Mariadal ta tuma algun medida di prekoushon pa motibu di e tormenta tropikal ku ta aserkando. Ta trata di entre otro e orarionan ku nos ta habrí adaptá, nos oranan di bishita adaptá, kuido na kas (thuiszorg) adaptá i posponementu di kuido ku por plania.

Fundashon Mariadal ta tuma e siguiente medidanan di prekoushon.

  • E botikanan di Fundashon Mariadal: Botika Playa, Botika Korona i Botika Rincon ta sera awe djárason pa 4 or di atardi.
  • Djárason anochi no tin ora di bishita pa nos pashèntnan den hòspital (Sentebibu), den Kas di Kuido i den ‘special care’.
  • Entre djárason 12 or di mèrdia i djaweps 12 or di mèrdia Kuido na Kas (Thuiszorg) ta bai solamente serka e pashèntnan ku apsolutamente no por sin yudansa.
  • E dòkter di kas di ‘Huisartsenpost – HAP’ ta traha na Ayudo di Emergensia (SEH) for di djárason 2 or di tra’i mèrdia te ku mei anochi.
  • Pa por garantisá kuido (di emergensia) e spesialistanan médiko i otro empleadonan ku normalmente lo a  drai warda a base di yamada, lo keda presente den hòspital.
  • Lo posponé e kuido poliklíniko i operativo selektivo (kuido ku por plania) di djárason tra’i mèrdia i djaweps.
Deel dit artikel
Rocargo
Rocargo
Rocargo
Rocargo