‘Meldkamer’ i ‘Intake’ ku 10 aña di eksistensia

Kralendijk – Riba djadumingu 15 di ougùstùs Meldkamer i e departamentu di Intake ya ta eksistí pa 10 aña kaba den e forma ku nos konosé awendia. Den un esfera festivo i ameno a tene diferente spich i a rekoré vários memoria durante di un brùnch.

Dies aña pasá algun trahadó a hasi un estudio pa asina por traha den Meldkamer i e departamentu di Intake. Promé ku esaki no tabatin un Meldkamer ni departamentu di Intake: un agente tabata kontesta e telefòn i e mes mester a informá e ‘wachtcommandant’. Awendia e Meldkamer ta dispone di ekipo moderno ku ta ‘up-grade’ regularmente.

E trahadónan di e departamentu di Intake ta esnan ku na promé instante bo ta topa ora bo bishita warda di polis entre 7.30 or di mainta pa 9.30 or di anochi. Nan ta tuma entre otro keho òf ta referí bon a e departamentu konserní. Meldkamer ta alkansabel 24 ora pa dia I ta e number di emergensia pa tur servisio di ayudo manera polis, ambulans, brantwer i wardakosta.

Lesa tambe:

• 
  Rijna: ‘Rònt mundu tin un krísis di awa ta reina’
• 
  TCB, BONHATA i WEB ta introdusí e proyekto di ‘Bonaire Water Bottle’ komo parti di e esfuersonan sostenibel di nos isla
• 
  Prevení Zika, Dengue i Chikungunya |Aviso pagá
• 
  TELBO ta sigui ku aktividat pa selebrá nan 40 aña di eksistensia
• 
  Gezaghèber Rijna na seshon di desayuno di Rei Willem-Alexander