KRALENDIJK- Entrante komienso di ougùstùs te ku komienso di òktober 2022 lo inisiá e trayekto di renobashon di meldkamer di e islanan di Hulanda Karibense. E meldkamer aktual lo haña un interior kompletamente nobo i lo ta mihó ekipá ku aparato mas moderno di kua poblashon di tur tres isla lo benefisiá.

E desaroyo di un meldkamer nobo pa e islanan Boneiru, Saba i Sint Eustatius ta un parti indispensabel den krea komprenshon i duna un bista general den organisashon di servisio di yudansa. Esaki ta hasi posibel pa por aktua di manera rápido den práktika i ta kontribuí na un empeño efektivo di servisio di yudansa. E interior lo kumpli ku e standart general di meldkamer na Hulanda.

Mudanza

Pa motibu di e renobashon lo akapará e meldkamer den un otro espasio den e edifisio di warda di polis na Playa. Durante di e mudansa tin e posibilidat ku por surgi interferensia pa ku disponibilidat di meldkamer. Na momentu ku esaki ta e kaso, lo komuniká esaki di manera rápido via radio i medionan sosial huntu ku numbernan ku por uza na e momentu ei.

Meldkamer ta disponibel 24 ora pa dia riba 911 i 112. Esaki ta e number di emergensia pa tur servisio di yudansa manera polis, ambulans, brantwer, KMar i wardakosta.