Notisia

Miembronan di direktiva PCN a sigui kurso spesialisá na Toronto

Bergsma (man robes) i Linkels (banda di Bergsma) a forma parti di un grupo di 25 kursista. Pòtret: Universidat di Toronto.

TORONTO/KRALENDIJK- Dos miembro di direktiva di e fondo di penshun pa Karibe Hulandes, Harald Linkels i Gerard Bergsma siman ku a pasa a sigui un kurso spesialisá na Rotman School of Management ku ta parti di Universidat di Toronto. 

E kurso, ku a wòrdu guiá dor di profèsornan Rob Bauer i Keith Ambachtsheer, ta prepará miembronan di direktiva riba retonan den futuro di fondonan di penshun. Riba e kurikulo di e kurso, ku a dura 4 dia kompleto, tabata entre otro eksigensianan pa loke ta trata bon gobernashon, invershonnan sostenibel i maneranan pa diversifiká invershonnan di fondonan di penshun. 

Na e kurso, banda di PCN, a partisipá diferente partisipante for di Hulanda, Merka i Canadá. Linkels i Bergsma tabata hopi positivo tokante e kontenido di e kurso. “Sin duda bale la pena, asina Bergsma a bisa”. E kurso ta wòrdu duná den koperashon ku International Centre for Pension Management (ICPM). 

Futuro

Keith Ambachtsheer resientemente a publiká un buki yamá The Future of Pension Management, kaminda e ta skibi tokante vários reto pa fondonan di penshun rònt mundu. Ambachtsheer a mustra su mes basta krítiko tokante spesialmente kambonan den e sistema di penshun na Hulanda, ku pronto lo bai kambia. E kambionan aki no ta konta pa PCN, ya ku e islanan BES tin nan propio lei tokante fondonan di penshun. 

Deel dit artikel
Rocargo
Rocargo
Rocargo
Rocargo