KRALENDIJK – Riba djasabra miembronan di Tirabon a tuma nan sertifikado di un kurso ku nan a pasa di seguridat riba kancha di tiru. E kurso a wòrdu duná pa e instruktor Elton Rasiman. Señor Rasiman ta un dosente di IBT ku ta nifiká “Integrale Beroepsvaardigheidstrainingen”. 

E motibu prinsipal pa ku e petishon ta ku entre otro hopi regla a kambia riba e tereno di tiru. Na e entrega di sertifikado e presidente di Tirabon señor Gandy Mauricio a gradisí señor Rasiman i tambe su superiornan di kuerpo di duana pa echo ku e a haña outorisashon pa por a duna e kurso i ku e tabata dispuesto pa hasi esaki. 

Despues di e entrega di sertifikado un bia mas señor Rasiman a repasá tur e eksigensia nan di seguridat den forma di un entrenamentu kaminda tantu e instruktornan i komandante di kancha mester repasá tur e rekisitunan di seguridat pa wak ku tur hende sa kiko ta tarea di kada un.