Miles Mercera ta e direktor nobo di TCB

Kralendijk- Tourism Corporation Bonaire (TCB) a anunsiá nombramentu di Miles Mercera di forma inmediato komo e direktor nobo.

Mercera. ku pa un tempu tabata empleá na TCB kaba, ta trese hopi eksperensia den e industria global di hospitalidat i turismo na su ròl nobo.

“Ta un privilegio pa huntu ku partnernan di e industria kontinuá no solamente riba Boneiru su reputashon komo un destinashon pristino, ekologiko i deseabel, pero tambe pa mehorá e imagen dor di mustra e avansenan grandi ku nos isla tabata tin durante último añanan. Pa ofrese e diversidat kulinario, variedat di akomodashon den gran eskala i e eksperensia elevá,” segun Mercera. “Ta un periodo eksitante den turismo i huntu ku un tim dinamiko, mi ta antisipá ansiosamente e oprtunidatnan ku lo bini pa nos.”

Eksperiensia

Te ku resientemente, Mercera tabata un profeshonal independiente di turismo via di su kompania di konsulta, el a baha for di su puesto na Curaçao Hospitality and Tourism Association (CHATA) pa persigui un ròl den politiká. El a traha kasi 10 aña den un organisashon den sektor privá, e último 4 añanan e tabatin e posishon di Presidente i CEO.

TCB

Mercera den pasado a traha 2 aña na TCB komo ‘Online Marketing & Product Development Executive’ promé ku el a djòin e asosiashon di hotel na Kòrsou komo ‘Marketing and Product advocate’.

“Mi ta ansioso di ta bèk na Boneiru, awor ku mas aña di a sirbi den e industria i ku mas komprenshon di turismo den e region,” segun Mercera. “Mi obhetivo ta pa uza mi eksperensia pa posishoná Boneiru na un posishon di kresementu dor di kapitalisá riba e oportunidat pa nos move den un era nobo den turismo.”

Nasé na Hulanda, pero lantá na e islanan ABC den Karibe Hulandes, Mercera tin su ‘Associate degree’ den ‘hotel management’ di Aruba, su Bachelor den ‘International Hospitality and Tourism Management’ di ‘University of Curaçao’, i Master den ‘Consultancy and Entrepreneurship’ di ‘Rotterdam Business School’.