ORANJESTAD – Rob Jetten, Minister di Klima i Energia na Hulanda ta na Aruba di 10 te 12 di mei komo parti di un bishita na Aruba, Boneiru i Kòrsou. E bishita ta den kuadro di e transishon di klima i energia riba e islanan.

E bishita ta den kuadro di e promé Carribean Climate & Energy Conference ku Aruba i Hulanda ta organisá di 10 te ku 12 di mei.

Durante e konferensia representantenan di islanan di den region Karibense, pero tambe partidonan relevante di otro kaminda, manera paisnan insular den Oséano Pasífiko, organisashonnan di Nashonnan Uní, institutonan nashonal i entidatnan finansiero, ta interkambiá ku otro riba e posibilidatnan pa aselerá e transishon di klima i energia riba paisnan insular chikitu.

Durante  e konferensia Hulanda i Aruba ta firma un akuerdo di koperashon riba tereno di energia duradero. Riba e último dia di e konferensia e minister ta hasi un bishita na diferente proyekto di energia duradero i lo papia ku studiantenan di Universidat di Aruba i EPI MBO.