KRALENDIJK – Minister Ingrid van Engelshoven  (Enseñansa, Kultura i Siensia) ta hiba un bishita di trabou na Boneiru di 24 te ku 27 di òktober benidero.

Riba djaluna 25 di òktober e bishita ta den kuadro di enseñansa. Durante e promé parti di dia minister lo bishitá entre otro Skol Amplio Papa Kornes, un di e skolnan kaminda ta forma futuro dosentenan via e konsepto di ‘Samen Opleiden en professionaliseren’, un kompania di siña i traha i ‘IT Academy’ di SGB.Tambe e lo gosa di un lùnch na restorant Chez Nous, prepará pa alumnonan di VMBO i sirbí pa alumnonan di SLP di SGB. Mas aleu tin un kombersashon ku miembronan di Konseho Insular riba programa durante kua lo hiba kombersashon tokante entre otro e problemátika di transishon pa studiante, e empeño pa agèndanan di enseñansa 2022-2026, temanan di kultura/kombenio di kultura i tópikonan ku ta poné riba agènda di e reunion ministerial di Kuater Pais na komienso di 2022.

Den oranan di mainta riba djamars 26 di òktober, minister lo hiba kombersashon ku Kolegio Ehekutivo kompletu, lo bishitá Biblioteka Públiko Boneiru, kaminda huntu ku diputado Den Heyer, e lo firma un akuerdo di intenshon pa e biblioteka,  i seguidamente lo bishitá e sitio di konstrukshon di e kompleho monumental Cocari II. Tramèrdia e lo topa ku algun ‘TOP trainee’ i lo hiba kombersashon ku EQ Boneiru tokante derechinan LHBT.

Riba e último dia, djárason 27 di òktober, minister lo bai Rincon kaminda e lo bishitá Mangazina di Rei i Kolegio San Luis Beltran kaminda e lo ta presente pa un lès di músika di e ‘leerorkest’. 

Ta klousura e bishita di trabou di e minister ku un konferensia prensa.