For di fin di luna di desèmber 2021 Kámara di Komèrsio a komuniká fitbèk i preokupashonnan di empresarionan individual i otro organisashonan ku e Ministerio di Asuntunan Ekonómiko outorisá tokante e tarifanan nobo pa e kontribushon anual.

A base di esaki e Ministerio a tuma pasonan pa studia e situashon un biaha mas ku bista riba un posibel revishon di e tarifanan. Na e momentu akí Ministerio di Asuntunan Ekonómiko ta tene un ròndu di konsultashon bou di interesadonan pa un proposishon pa adaptashon di e tarifa básiko di e kontribushon anual. E proposishon akí no ta definitivo ainda.

Pa e motibu akí Kámara di Komèrsio ta lamentá ku terseranan ta komuniká tarifanan. Asina ku e Ministerio tuma un desishon definitivo tokante esaki Kámara di Komèrsio lo komuniká i publiká e tarifanan akí tambe.

Despues di esei lo manda e fakturanan pa e kontribushon akí i si ta aplikabel lo duna restitushon na esunnan ku ya kaba a paga.