ORANJESTAD – Djamars 19 di sèptèmber último a bin topa ku un kurpa di un beibi sin bida den un krèsh na Statia. 

Mesora Korps Politie Caribisch Nederland (KPCN), bou di guia di dos fiskal di Ministerio Públiko, a forma un ekipo di investigashon grandi pa ehekutá un investigashon ekstenso. For di investigashon di e último dianan a resultá ku no tin ningun indikashon ku ta trata di un delitu. No tin rason tampoko pa asumí ku tin otro personanan envolví den e morto trágiko di e beibi.

Sera investigashon

KPCN i OM lo hasi algun trámite pa sera e investigashon pero mirando e resultadonan di e investigashon lo desmantelá e ekipo di investigashon. “Nos ta deseá famia i amigunan di e defuntu hopi forsa ku e pèrdida trágiko aki”, asina bosero di OM a bisa djadumingu.