Notisia

Ministerio Públiko: trafikashon di hende ta birando mas tantu eksplotashon laboral

WILLEMSTAD – Ministerio Públiko ta menshoná den su relato anual di 2021 ku trafikashon di hende ta birando mas tantu eksplotashon laboral i ménos eksplotashon seksual.

Ministerio Públiko ta bisa ku e kambio ta bai ‘kuidadoso’ i ta menshoná komo motibu e situashonnan ku ta empeorá den e paisnan rondo di nos, espesialmente Venezuela, kaminda un grupo grandi di trahadónan indokumentá ta dispuesto pa traha den sektornan di konstrukshon i den snèknan.

Último añanan korte a husga ku e personanan aki segun e normanan di e área di Karibe i Amérika del Sur probablemente lo ta víktima di mal maneho di doño di trabou, pero ku no ta yega na e límite di tráfiko di hende.

Esaki ta hasi e akusashon pa tráfiko di hende mas difísil. Regularmente ta papia di persekushon pa tráfikashon di hende i ponementu na trabou ilegal. Si no ta papia di tráfikashon di hende, lo pèrsiguí pa ponementu na trabou ilegal, aloménos si tin prueba.

Den dos kaso esaki a kondusí den 2021 na apsolushon pa loke ta trata tráfiko di hende i den un kaso Ministerio Públiko a disidí pa no akusá pa tráfiko di hende, pero pa violashon di areglo di trabou.

Nivel di maneho

Fuera di kasonan penal Ministerio Públiko ta atendé tambe tráfikashon di hende riba nivel di maneho. Ministerio di Hustisia a kontribuí aktivamente na kampaña di konsientisashon, ta tene konsulta ku organisashonnan (internashonal), tin mas reunionnan mensual kaminda Ministerio Públiko ta asistí i a instituí un komishon ku kolaboradónan di Ministerio di Hustisia, Ministerio Públiko i ayudo pa víktima.

Tambe tabatin konferensianan via video ku tur e partnernan enbolbí na Kòrsou, manera polis, Ministerio di Hustisia, Ministerio di Desaroyo Sosial, Trabou i Bienestar (SOAW) i Wardakosta.

I a hiba kòmbersashon ku SOAW pa atendé ku eksplotashon di trabou. Ku polis a sondea struktural posibel oportunidatnan dentro di kasonan penal i a trata di modernisá 

Deel dit artikel
Rocargo
Rocargo
Rocargo
Rocargo