KRALENDIJK – Djaweps 9 di mei, den kareda di binti pa sinku  di atardi, kachónan di bisiña a ataká un señora den Bario di  Kibrahacha. Na yegada di polis a resultá ku tres di e kuater kachónan tabata pitbull. Polis mester a intervení ku gas di peper i awa pa kita e kachónan, ku tabata bringa, for di otro. E bisiñanan a haña un atvertensia por eskrito i a traha palabrashonnan konkreto.

Djarason atardi 8 di mei,  alrededor di mitar di sinku, un hòmber a duna denunsia ku e kachónan di su bisiñanan a morde un di su kabritunan mata. A duna ámbos partido atvertensia i a traha palabrashon pa evitá ripitishon.

Den oranan di atardi di 8 di mei kachónan a ataká nuebe karné den un kunuku na Kaminda Lagun, kaminda tres karné a muri. Polis no por a haña e kachó maron.

Djarason 8 di mei a hasi denunsia di un kachó ku tabata ataká personanan ku tabata pasa riba Kaya  Pos di Amor. A atendé ku e doño i el a mara e kachó un otro kaminda.