Montante riba kual no ta paga impuesto lo no mester bolbe baha den futuro

KRALENDIJK- E montante riba kua siudadanonan na islanan BES no mester paga impuesto, den futuro lo no mester bolbe baha ora segun CBS tin un inflashon negativo.

Komienso di e aña aki hopi a keda sorprendí ora a baha ámbos e suma riba kua no mester paga impuesto i tambe e asina yamá ouderenaftrek. Dor di adaptashon di e montantenan aki, kasi tur hende lo paga mas belasten, kompará ku añanan anterior.

‘’Nos a papia ku Hulanda, pa mustra ku esaki no ta un bon manera pa nos islanan’’, asina diputado Hennyson Thielman di Finansas a splika. ‘’Tur hende ku ta biba riba nos isla sa ku ta mas karu so kos ta bira. Tur hende ta paga mas pa kuminda i mas pa entre otro hür’’.

Segun splikashon di servisio di impuesto i gobièrnu di hulanda e montante riba kua no ta paga impuesto a wòrdu kousá pa e echo ku e medidanan di sosten di COVID-19, ku a pone inflashon baha. Den futuro, segun Thielman a splika, lo no mester boble kometé e fout aki.