Morto nobo na Boneiru pa motibu di Covid-19

Kralendijk- Aunke Gobièrnu di Boneiru a medio kamuflá e notisia aki den su aktualisashon diario di sifra di Covid-19 na Boneiru, tin un morto nobo na Boneiru pa motibu di e virus di Covid-19.

Na tur tin un total di 18 hende ku a fayesé pa motibu di kontagio ku e Coronavirus. Atrobe tin 7 kaso nobo di Covid, pero tin mas hende ku a rekuperá. Pesei e kantidat total di kasonan di Covid a baha te ku 59 aktualmente.

Gobièrnu ta keda enfatisá ku nan tin un ‘bon bista’ riba fuente di e kontagio, pero esaki no ta kita e echo ku e situashon, ku 1 morto nobo i 4 hende den hospital, poko poko ta bayendo den un direkshon un poko mas prekupante atrobe.