Moshon di DP pa sentro di servisio den bario ratifiká unánimamente 

KRALENDIJK- Un moshon entregá pa Partido Demokrátiko Boneriano (PDB) pa habri sentro di servisio integral na Rincon i Antriol, djamars anochi a keda ratifiká unánimamente pa Konseho Insular.

Segun lider di PDB Clark Abraham, poblashon di Boneiru den ultimo añanan a krese drástikamente, pero e sistema di operá di Gobièrnu Insular a keda meskos. “Nos ta di opinion ku un siudadano mester por akudí na un sentro di servisio den su propio bario pa tur servisio di gobièrnu”, asina Abraham a splika. 

E moshon ta hasi un apelashon tambe riba Kolegio Ehekutivo pa kuminsá deliberashon ku kompanianan manera Telbo i WEB pa nan tambe kuminsá ofreseé na servisio pa medio di e sentro di servisio integral.