MPB ku UPB lo ta papiando pa sigui ku koalishon aktual

KRALENDIJK- Segun Live99 Union Patriótiko Boneriano i Movementu di Pueblo Boneriano (MPB) lo ta papiando ku otro kaba tokante kontinuashon di e koalishon aktual. 

Komberashon di esaki, lo ta tumando lugá riba ‘nivel haltu’ entre e dos partidonan. 

E notisia a haña hopi reakshon riba medionan sosial den un ratu di ora. Hopi hende a ekspresá un desaprobashon pa e forma di aktua di MPB, ku a bai hopi atras na voto den elekshon di dia 15 di mart 2023. 

Mayoria hende ku a komentá tambe ku nan ta haña ku partido Demokrat lo mester ta involví den formashon di un koalishon nobo. Sinembargo, si wak riba nivel di e dos partidonan huntu, por bisa ku nan no a bai atras na asiento. 

Atakenan mutuo

Ouke UPB i MPB pa hopi tempu a sòru di manteném un union, por a ripará ku den dianan promé ku elekshon a lansa diferente atake riba otro. Entre otro UPB a manda un karta pa representante di reino tokante e asina yamá OVO-nan ku diputado Thielman lo a duna hende den su propio ofisina, sin ku esaki ta kuadra ku regla.