ORANJESTAD – For di 2 di mei e bakuna Pfizer ta optenibel pa muchanan di seis luna te kuater aña ku tin problemanan ku salú skondí. E muchanan frágil aki anteriormente tabata kore alto riego riba infekshon, loke tabata obligá mayornan pa tene nan hopi biaha na kas pa evitá kontaminashon.

Pa bini na remarke pa e bakuna, e mayornan di e muchanan aki mester bini ku un resèpt di nan dòkter di mucha i nan yu na e departamentu di Enfermedatnan infeksioso di Sentro di Salubridat Públiko. E skema di bakunashon pa e grupo aki ta konsistí di tres bakuna: un di dos dósis despues di kuater siman i un bakuna di refuerso despues di ocho siman.

Nan ta bini na remarke pa e bakuna di COVID solamente si nan no a haña niun otro bakuna den e periodo di minimal dos siman promé òf despues di a risibí un otro bakuna.

Ta enkurashá pa pasa muchanan ku problemanan ku salú skondí  entre sinku i djesun aña ku a bakuná kaba e bakuna di refuerso.

E problemanan ku salú skondí ku ta bini na remarke pa e bakuna di COVID serka muchanan entre seis luna i kuater aña ta entre otro enfermedatnan kardiovaskular, enfermedatnan pulmonar òf respiratorio, enfermedatnan di nir, stoma, tripa, higra i otro enfermedat.