KRALENDIJK- Bonaire International Airport (BIA) un biaha mas a partisipá na e aktividat di Buki di Prèt ku ta tuma lugá tur aña di nobo. 

Ta trata di aktividat pa muchanan, tambe e mayor por a kompañanan. Den pasado  Erwin Albertus, tabata enkargá ku rekorido di èrpòrt ,awor Joelle Louisa, di e departamentu di operations, a tuma esaki na su enkargo. 

E grupo di Buki di Prèt, ta hasi un paseo na e aeropuerto, e ruta kompletu ku un pasahero mester hasi uso di dje, momentu e ta bai sali for di Boneiru, òf a yega Boneiru for di eksterior. Tambe nan ta haña un bista kon e diferente sekshon, na aeropuerto ta funshoná. E diferente departamento i nan tarea. 

Trit

Aparte di e empleado di BIA, Marechaussee tambe a tuma parti na e aktividat. Nan a hasi e parti di imigrashon i algun parti riba tereno, loke ta nan tarea. Muchanan por a sende i paga zonido di alarma, loke mas nan a gusta e bochincha di alarma. Na final di e paseo na aeropuerto, Tecnobar Airport Bonaire, a trit tur hende kos pa kome i bebe, komo muestra di apresio, pa tur presente.